Դատարանն անվավեր է ճանաչել «կարմիր գծերի» թանկացման որոշումը

Վարչական դատարանն անվավեր է ճանաչել Երևանի ավագանու կողմից ընդունված և այս տարվա հունվարի 1-ից Երևանի ավտոկայանատեղիներում կայանելու համար սահմանված դրույքաչափերը սահմանելու որոշումը, հայտնում է Երևանի քաղաքապետի մամուլի քարտուղար Հայկ Կոստանյանը։

«Հետագա մանիպուլյացիաներից խուսափելու համար հայտնում ենք՝ դատարանի որոշումն ուժի մեջ չի մտել և սահմանված մեկամսյա ժամկետում քաղաքապետարանի կողմից բողոքարկվելու է։ Նախկինում վճարված գումարները վերադարձման ենթակա չեն անգամ դատարանի կողմից ընդունված որոշումն ուժի մեջ մտնելու դեպքում»,- Ֆեյսբուքի իր էջում գրել է նա։

2023-ի տարեվերջին ավագանու որոշմամբ մայրաքաղաքում ավտոկայանատեղիների վճարների դրույքաչաափերը բարձրացվել էին տարեկան մինչև 160 000 դրամ։ Որոշումն ուժի մեջ է մտել 2024-ի հունվարի 1-ից։ Մինչ այդ ավտոկայանատեղիների համար գործող տարեկան վճարը 12 000 դրամ էր։

https://civilnet.am/news/760739/%d5%af%d5%a1%d6%80%d5%b4%d5%ab%d6%80-%d5%a3%d5%ae%d5%a5%d6%80%d5%ab-%d5%be%d5%b3%d5%a1%d6%80%d5%b6%d5%a5%d6%80%d5%a8-%d5%b0%d5%b8%d6%82%d5%b6%d5%be%d5%a1%d6%80%d5%ab-1-%d5%ab%d6%81-%d5%af%d5%a2%d5%a1%d6%80%d5%b1%d6%80%d5%a1%d6%81%d5%be%d5%a5%d5%b6/