Հունվարի 27-ից շրջանառության մեջ կմտնեն նոր 20 000-դրամանոցներ

ՀՀ կենտրոնական բանկի խորհրդի որոշմամբ՝ 2025թ․ հունվարի 27-ից շրջանառության մեջ կդրվի 20 000 դրամ անվանական արժեքով 2024թ. թողարկման ՀՀ թղթադրամը։  

2024թ․ թողարկման թղթադրամի դարձերեսին ավելացել է տեսանելի գունափոփոխ պաշտպանական հատկանիշ՝ ներքևի ձախ անկյունում անվանական արժեքն արտահայտող թվանշանը տպագրված է օպտիկապես փոփոխական ներկով: 

Թղթադրամի դիմերեսին փոխվել են թողարկման տարեթիվը՝ 2024, և ՀՀ ֆինանսների նախարարի ստորագրությունը։ 

1999-2021թթ. թողարկման 20 000 դրամ անվանական արժեքով ՀՀ թղթադրամները մնում են շրջանառության մեջ՝ առանց սահմանափակումների և շրջանառության պայմանների փոփոխության: