Civilnet
«ՀՀ իշխանություններն իրանական կողմին հստակ ասել են, որ հայ-ամերիկյան ռազմավարական գործընկերության համաձայնագիրը դեմ չէ ՀՀ-Իրան հարաբերություններին». այս մասին փետրվարի 6-ի մամուլի ասուլիսի ժամանակ ասաց ՀՀ-ում Իրանի դեսպան Մեհդի Սոբհանին։
«ՀՀ իշխանություններն ընդգծել են, որ չեն ձեռնարկի քայլեր, որոնք կվնասեն հայ-իրանական շահերը և Իրանի շահերին», - ասել է դեսպանը։
Նա շարունակել է, թե Իրանին և Հյաաստանին մշտապես հաջողվել է հարաբերությունները հեռու պահել ԱՄՆ-ի կողմից կիրառվող առավելագույն ճմնշումների ազդեցությունից։
«Մեր և ՀՀ իշխանությունների միջև փոխադարձ ըմբռնում կա, մեր հարաբերություններն օգտագործվում են ի շահ մեր երկրների և ժողովուրդների։ Այս փոխադարձ ըմբռնումը մեզ օգնում է, որ առաջ մղենք մեր հարաբերությունները», - ընդգծել է դեսպանը։
Օրերս ԱՄՆ-ի նախագահ Դոնալդ Թրամփը հրաման է ստորագրել Իրանի վրա առավելագույն ճնշում գործադրելու մասին։ Փաստաթղթի համաձայն՝ նախատեսվում է կանխել Իրանի կողմից միջուկային զենքի և միջմայրցամաքային բալիստիկ հրթիռների ձեռքբերումը, ոչնչացնել Իրանի «ահաբեկչական ցանցը» և հակազդել Իրանի կողմից հրթիռների, ինչպես նաև այլ ասիմետրիկ և սովորական սպառազինությունների մշակմանը:
Պատմություններ
