Civilnet
Վրաստանի իշխող Վրացական երազանք կուսակցությունը ստեղծել է նախկին իշխող Միացյալ ազգային շարժում կուսակցությանը (ՄԱՇ) պատժելու հանձնաժողով։
Չորեքշաբթի Վրաստանի խորհրդարանի 83 պատգամավոր աջակցել է «2003-2012 թթ. քաղաքական վարչակարգի պաշտոնյաների գործունեության վերաբերյալ փաստահավաք հանձնաժողովի» ստեղծմանը։
ՄԱՇ-ը, որը մասնակցել է 2024-ի հոկտեմբերի ընտրություններին՝ որպես «Միասնություն-Ազգային շարժում» խմբավորում՝ Ստրատեգի Աղմաշենեբելի կուսակցության կողքին, երկիրը կառավարել է 2003-2012 թթ.:
2024-ի ընթացքում Վրացական երազանքը բազմիցս խոստացել է պատժել ՄԱՇ-ին՝ կուսակցությանը մասնավորապես մեղադրելով 2008-ի օգոստոսյան պատերազմը հրահրելու և սկսելու մեջ։
Կուսակցությունից հայտնել են, որ ժամանակավոր քննչական հանձնաժողովը ստեղծվելու է երեք ամիս ժամկետով, սակայն դրա ժամկետը կարող է երկարացվել մինչև վեց ամիս։
Ընթացակարգային հարցերի և կանոնակարգերի հանձնաժողովն ստեղծման օրվանից եռօրյա ժամկետում պետք է որոշի հանձնաժողովի անդամների թվաքանակը և համամասնական ընտրակարգի քվոտաները։
Ըստ կանոնակարգի՝ Քննչական հանձնաժողովում խորհրդարանական մեծամասնությունը թվային առումով չպետք է գերազանցի ընդդիմությանը։ Լրատվամիջոցների տվյալներով՝ իշխող կուսակցությանը պատկանող Ժողովրդական իշխանություն արբանյակային խմբավորումը նախատեսում է հանձնաժողովին միանալ որպես ընդդիմադիր կուսակցություն։
Խորհրդարանը գործնականում այլևս չունի ընդդիմադիր ներկայացուցչություն՝ բացառությամբ Գիորգի Գախարիայի Հանուն Վրաստանի կուսակցության 12 պատգամավորների, որոնք բոյկոտում են բոլոր նստաշրջանները: Չորեքշաբթի խորհրդարանական մեծամասնությունը խորհրդարանից հեռացրեց 49 ընդդիմադիր պատգամավորների, որոնք նույնպես բոյկոտում էին նիստերը։ Վտարված պատգամավորները Միասնություն — ազգային շարժում, Ուժեղ Վրաստան և Կոալիցիա հանուն փոփոխությունների խմբերից էին։
Չորեքշաբթի Վրացական երազանքի երեք պատգամավոր պաշտոնապես հեռացել է իշխող կուսակցությունից՝ հայտարարելով «առողջ ընդդիմություն» ստեղծելու մտադրության մասին՝ քայլ, որին աջակցում է Վրացական երազանքը: Սակայն հայտնի չէ՝ արդյոք նրանք կմասնակցեն հանձնաժողովին։
Նախագծի բացատրական գրության համաձայն՝ «Ժամանակավոր քննչական հանձնաժողովն իր իրավասության շրջանակներում ապահովելու է ճշգրիտ և թափանցիկ հետաքննության անցկացում, գնահատելու է 2003-2012 թթ. վարչակարգի գործունեությունը երկրին սպառնացող քաղաքական, տնտեսական կամ այլ սպառնալիքները կանխելու նպատակով»։
«Այն կմշակի և կպատրաստի համապատասխան որոշումների, եզրակացությունների, առաջարկությունների կամ ներկայացումների նախագծեր»,- ասված է բացատրական գրառման մեջ։
Վրացական երազանքի խորհրդարանական խմբակցության ղեկավար Մամուկա Մդինարաձեն հունվարի 9-ին կայացած ճեպազրույցում հայտարարել է, որ երբ խորհրդարանը հաստատի ՄԱՇ-ի գործունեության հետաքննության ավարտը, արդյունքները կփոխանցվեն դատախազությանը և «օրենսդրությանմբ նախատեսված համապատասխան այլ մարմինների՝ հետագա միջոցներ ձեռնարկելու և մեղավորներին պատժելու նպատակով»:
Ընտրություններին ընդառաջ Վրացական երազանքը դիմել էր իր ընտրազանգվածին՝ որպեսզի օգնի իրեն ընտրություններում սահմանադրական մեծամասնություն՝ խոստանալով օրենքից դուրս հայտարարել իրենց քաղաքական մրցակիցներին, արգելել «կեղծ-ազատական գաղափարախոսությունը» և «խաղաղ կերպով վերաինտեգրել» Աբխազիան և Հարավային Օսիան։
The party cited the possibility of declaring the ‘collective National Movement’ — a loose reference to all of Georgia’s opposition groups — as one of the reasons for the need to reach a constitutional majority — which they failed to obtain in the October elections.
Կուսակցությունը որպես սահմանադրական մեծամասնության հասնելու պատճառ հղում է արել «հավաքական Ազգային շարժմանը» (Վրաստանի ընդդիմադիր բոլոր խմբերին վերաբերող ընդհանուր ակնարկ)։
Կոչին ընդդիմադիր խմբերն արագ արձագանքել են քննադատությամբ՝ նախազգուշացնելով դրա ավտորիտար ենթատեքստի և Վրաստանին ԵՄ ինտեգրման ճանապարհից ետ մեղելու իշխող կուսակցության քայլերի մասին:
Չորեքշաբթի ՄԱՇ-ի նախագահ Թինա Բոկուչավան հանձնաժողովին անվանել է «կրկեսային ներկայացում» և ասել, որ Վրացական երազանքի հիմնադիր միլիարդատեր Բիձինա Իվանիշվիլին փորձում է «քողարկել իր հանցագործությունները»։
«Սա, իհարկե, ռուսական քարոզչական հերթական փորձն է՝ կոծկելու Իվանիշվիլիի հանցագործությունները այս տեսարանով և կրկեսային մեկ այլ ներկայացմամբ, որը նա այժմ նախատեսում է բեմադրել ոչ լեգիտիմ, դե ֆակտո խորհրդարանում։ Քաղաքակիրթ աշխարհը նրան չի ճանաչում որպես օրինական իշխանություն։ Տնտեսությունը փլուզվում է պատժամիջոցների պատճառով։ Նա այլևս չունի լեգիտիմություն ո՛չ դրսում, ո՛չ երկրի ներսում»,- ասել է նա լրատվամիջոցներին։
«Կրկեսային այս ներկայացմամբ, տեսարանով նա չի կարողանա կոծկել իր ոչ լեգիտիմ լինելու փաստը, և դեռ պետք է համակերպվի իշխանությունը զիջելուն, քանի որ երկրում պետք է նոր, արդար ընտրություններ անցկացվեն»։
Հազարավոր մարդիկ ամբողջ երկրում ավելի քան 70 օր բողոքի ակցիաներ են անցկացնում՝ ընդդեմ կառավարության քաղաքականության և այն հայտարարության, որ իշխող կուսակցությունը կդադարեցնի երկրի ԵՄ անդամակցության գործընթացը:
Քաղաքական ճգնաժամը սկսվել է հոկտեմբերին կայացած խորհրդարանական ընտրություններից հետո, որոնցում, ըստ պաշտոնական արդյունքների, իշխող Վրացական երազանք» կուսակցությունը ստացել է մեծամասնություն՝ հավաքելով ձայների 54%-ը։
Պատմություններ
