Civilnet
Ադրբեջանի և Հայաստանի միջև սահմանային և տարածքային հարցերը կլուծվեն այն ժամանակ, երբ երկու երկրների միջև առևտրային և քաղաքական հարաբերությունները լուծվեն յուրաքանչյուր կողմի իրավունքների փոխադարձ հարգանքի վրա։ Ապրիլի 28-ին նախատեսվող՝ Ադրբեջան այցից առաջ հայտարարել է Իրանի նախագահ Մասուդ Փեզեշքիանն ադրբեջանական պետական AzTV-ի հետ զրույցում։
Փեզեշքիանը երկրների տարածքային ամբողջականության հարգման անհրաժեշտությունը շեշտել է, այսպես կոչված, «Զանգեզուրի միջանցքի» շուրջ տարաձայնությունների համատեքստում։
Անդրադառնալով Ադրբեջանի և Հայաստանի միջև խաղաղության գործընթացին՝ Իրանի նախագահը հաստատել է, որ Իսլամական Հանրապետությունը շարունակաբար աջակցում է երկու հարևանների իրավունքներին և նվիրված է խաղաղ համակեցության խթանմանը։
Իրանի նախագահը նաև ընդգծել է Նախիջևանը և Ադրբեջանը Իրանի միջով կապող ճանապարհի (Արաքսի միջանցք) ապահովման կարևորությունը՝ հույս հայտնելով, որ այս ճանապարհը կլուծի առկա կապի խնդիրները։
Փեզեշքիանը Իրանի նախագահի պաշտոնում առաջին անգամ է այցելում Ադրբեջան։
Պատմություններ
