Civilnet
«Թեհրանը աջակցում է Հայաստանի և Ադրբեջանի միջև խաղաղության պայմանագրի կնքմանը». հայտարարել է Իրանի փոխարտգործնախարար Սայիդ Խաթիբզադեն, հայտնում է իրանական IRNA գործակալությունը։
Իրանցի պաշտոնյան այդ մասին խոսել է Բաքվում՝ «Ադրբեջանի և Իրանի միջև հարաբերությունները տարածաշրջանային գործընթացների շրջանակներում» խորագիրը կրող խորհրդաժողովին, որը հյուրընկալել է Ադրբեջանի Միջազգային հետազոտությունների կենտրոնը։
Սայիդ Խաթիբզադեն իր խոսքում մեծամասամբ անդրադարձել է Իրան-Ադրբեջան հարաբերություններին։ Նա շրջադարձային է համարել Իրանի նախագահ Մասուդ Փեզեշքիանի պաշտոնական այցը Ադրբեջան՝ շեշտելով Բաքվի կարևորությունը հարևանների հետ տարվող Իրանի արտաքին քաղաքականությունում։
Ադրբեջանա-իրանական հանդիպման ժամանակ կողմերը հուշագիր են ստորագրել Ադրբեջանի միջագզային հարաբերությունների հետազոտական կենտրոնի և Իրանի արտգործնախարարությանը կից քաղաքական և միջազգային հետազոտությունների կենտրոնի միջև։ Ըստ այդ հուշագրի՝ կողմերը պայմանավորվել են հասնել փոխշահավետ համագործակցության՝ ակադեմիական փոխանակումների և համատեղ նախագծերի իրականացման ծրագրերի շուրջ։
Պատմություններ
