Civilnet
Իսրայելի և Թուրքիայի ներկայացուցիչներն այսօր կհանդիպեն Բաքվում՝ Ադրբեջանի միջնորդությամբ։ Այս մասին հաղորդում է APA գործակալությունը՝ վկայակոչելով իսրայելական լրատվամիջոցներին։
Բանակցությունները տեղի են ունենում այն ժամանակ, երբ տարածաշրջանում լարվածությունը շարունակում է աճել։ Ավելի վաղ նախատեսվում էր Իսրայելի վարչապետ Բենիամին Նեթանյահուի պաշտոնական այցը Ադրբեջան, սակայն այն հետաձգվել էր՝ Գազայի հատվածում ռազմական գործողությունների սրացման և դրանով պայմանավորված անվտանգության իրավիճակի վատթարացման պատճառով։
Ապրիլի 9-ին ևս Թուրքիայի և Իսրայելի ներկայացուցիչները հանդիպել էին Ադրբեջանում։
Թուրք-իսրայելական հարաբերությունները լարվել են Գազայի հատվածում 2023-ին սկսված հակամարտության սրման ֆոնին և էլ ավելի են սրվել 2024-ի վերջին Սիրիայում տեղի ունեցած իշխանափոխությունից հետո:
Պատմություններ
