Հաղթանակի օրվա առթիվ Պուտինը շնորհավորել է Փաշինյանին և այլ առաջնորդների

Հայրենական մեծ պատերազմում Հաղթանակի 80-ամյակի կապակցությամբ Ռուսաստանի նախագահ Վլադիմիր Պուտինը շնորհավորական ուղերձներ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի, Իսրայելի ղեկավարներին, ինչպես նաև Վրաստանի և Մոլդովայի ժողովուրդներին։ Այս մասին հայտնում են Կրեմլի մամուլի ծառայությունից։

«Մեր սրբազան պարտականությունն է զգուշորեն պահպանել հաղթող սերնդի ժառանգությունը։ Հետևաբար, շատ կարևոր է անզիջում կերպով ճնշել մեր ընդհանուր պատմությունը խեղաթյուրելու, նացիստների և նրանց հանցակիցների կողմից կատարված վայրագությունները սրբագրելու կամ մոռացության մատնելու ցանկացած փորձ», - նշել է Ռուսաստանի նախագահը։

Հայաստանի վարչապետ Նիկոլ Փաշինյանը մայիսի 9-ին Մոսկվայում կմասնակցի Հայրենական մեծ պատերազմում հաղթանակին նվիրված միջոցառումներին։