Հայաստանը և Ադրբեջանը կարող են միանալ խաղաղության Աբրահամյան համաձայնագրերին․ Ուիթքոֆ
Civilnet
ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթքոֆը հայտարարել է, որ Լիբանանը, Սիրիան, Լիբիան, Հայաստանը և Ադրբեջանը կարող են միանալ խաղաղության Աբրահամյան համաձայնագրերին։ Այս մասին Ուիթքոֆը հայտնել է breitbart-ի հետ հարցազրույցի ժամանակ։
«Հայաստանն ու Ադրբեջանը կարող են միանալ Աբրահամյան Խաղաղության համաձայնագրերին։ Մենք կարծում ենք, որ շատ, շատ մոտ ենք այդ երկրների միջև հակամարտության վերջնական կարգավորմանը», - ասել է Ուիթքոֆը։
Ուիթքոֆի խոսքով՝ «մոտ ապագայում հնարավոր է Լիբանանի և նույնիսկ Սիրիայի կողմից հարաբերությունների նորմալացում»։ Նա նշել է, որ երկու երկրներից արձագանքները եղել են «դրական»։
Նա ընդգծել է, որ նախաձեռնությունը կարևոր է նախագահ Թրամփի համար։
«Նախագահը հավատում է դրան։ Դա նպաստում է տարածաշրջանային խաղաղությանն ու կայունությանը։ Մենք համագործակցում ենք Պետդեպարտամենտի հետ։ Ես վստահ եմ, որ առաջիկա մի քանի ամիսներին կարող է ևս չորս, հինգ կամ վեց երկիր միանալ Աբրահամյան Խաղաղության համաձայնագրերին»,- նշել է Ուիթքոֆը։
Պատմություններ
