Civilnet
Գևորգ Թոսունյան
Կառավարությունը մայիսի 22-ի նիստին չզեկուցվող հարցերի շարքում որոշեց փոխհատուցել «Հայաստանի պետական հետաքրքրությունների ֆոնդ» ՓԲԸ-ի (ԱՆԻՖ) շահութահարկը՝ ավելի քան 84 մլն դրամ։
Ըստ կառավարության հիմնավորման՝ ընկերությունը չունի նախատեսված այլ միջոցներ նշված պարտավորությունը մարելու համար։
Գործադիրը նաև խոստովանում է, որ նախատեսվում էր ընկերությունը լուծարել մինչև 2024-ի վերջ, սակայն լուծարման հանձնաժողովը դեռևս չի ստեղծվել․ չեն իրականացվել կառավարության համապատասխան որոշմամբ սահմանված աշխատանքները։
Կառավարության այս նախագիծը, իբր, բխում է պետության շահերից, քանի որ, ըստ հիմնավորման, այսկերպ գործադիրը օպտիմալացնում է պետական համակարգը, ինչպես նաև ապահովում է «վնասով, ոչ արդյունավետ և զարգացման հեռանկար չունեցող կազմակերպությունների առանձնացումը և մասնավորեցման ծրագրում ընդգրկումը»։
Երևանի քաղաքապետ, ԱՆԻՖ-ի տնօրենների խորհրդի նախագահի պաշտոնը զբաղեցրած Տիգրան Ավինյանը մի առիթով այս հիմնադրամն անվանել էր «ամենակարևոր, ամենախոշոր ու ամենահեռանկարային ծրագրերի հիմք դրած ընկերություն»։ Կառավարությունն այն որոշեց լուծարման տանել 2024-ի մայիսի 23-ի նիստին։
Կարդացեք նաև՝
Պատմություններ
