Թուրքիայում երկրաշարժից տասնյակ մարդիկ են վիրավորվել, մեկը՝ զոհվել

Այսօր 5,8 մագնիտուդ ուժգնությամբ երկրաշարժ է տեղի ունեցել Միջերկրական ծովի ափամերձ Մարմարիս քաղաքում, հայտնել է Թուրքիայի աղետների կառավարման գործակալությունը։ Տասնյակ մարդիկ վնասվածքներ են ստացել, քանի որ խուճապահար փորձել են ցատկել շենքերից։

Երկրաշարժը զգացվել է հարևան շրջաններում, այդ թվում՝ հունական Ռոդոս կղզում։

Թուրքիան գտնվում է խոշոր բեկվածքների վրա, և երկրաշարժերն այնտեղ հաճախ են լինում։

2023-ին 7,8 մագնիտուդով երկրաշարժը Թուրքիայում խլել է ավելի քան 53,000 մարդու կյանք և ավերել կամ վնասել հարյուր հազարավոր շենքեր 11 հարավային և հարավարևելյան նահանգներում։ Եվս 6,000 մարդ զոհվել է Սիրիայի հյուսիսային մասերում։