ԱՄՆ-ն վետո է կիրառել Գազայում հրադադարի մասին ՄԱԿ-ի բանաձևի դեմ

ԱՄՆ-ն վետո է դրել ՄԱԿ-ի Անվտանգության խորհրդի բանաձևի նախագծի վրա, որը կոչ էր անում Գազայում «անվերապահ և մշտական» հրադադար հաստատել։ Այս մասին հայտնում է BBC-ն։

Մյուս 14 անդամները քվեարկել են փաստաթղթի օգտին, որը նաև պահանջում էր ազատ արձակել բոլոր պատանդներին և վերացնել մարդասիրական օգնության սահմանափակումները։

ՄԱԿ-ում ԱՄՆ դեսպան Դորոթի Շիան ասել է, որ բանաձևը «կխաթարի հրադադարի հասնելու դիվանագիտական ​​ջանքերը»՝ հավելելով, որ ՄԱԿ-ը Համասին չի որակել որպես ահաբեկչական կազմակերպություն։ Համասն ահաբեկչական կազմակերպություն է համարվում ԱՄՆ-ի, Մեծ Բրիտանիայի և ԵՄ-ի կողմից։

«Մենք չենք աջակցի որևէ միջոցառման, որը չի դատապարտի Համասին և կոչ չի անի զինաթափվել և լքել Գազան», - ՄԱԿ-ում ԱՄՆ դեսպանը։

Սա տեղի է ունենում Գազայում օգնության բաշխման վերաբերյալ աճող մտահոգության ֆոնին, որտեղ ՄԱԿ-ի տվյալներով՝ ավելի քան երկու միլիոն մարդ սովի վտանգի տակ է, այն բանից հետո, երբ Իսրայելը 11 շաբաթ տևած սննդի և այլ օգնության առաքումների վրա լիակատար արգելք է դրել։

Օգնության բաշխումը վերջերս ստանձնել է Գազայի մարդասիրական հիմնադրամը (GHF), որը Իսրայելի և ԱՄՆ-ի կողմից աջակցվող խումբ է, որը նպատակ ունի փոխարինել ՄԱԿ-ի գործակալություններին և տարածաշրջանի այլ կազմակերպություններին։

Վերջին մի քանի օրերի ընթացքում GHF-ի կողմից Գազայում կառավարվող օգնության բաշխման վայր տանող ճանապարհն Իսրայելը պահում է կրակի տակ։