Քոքոբելյանը դուրս է եկել «Ժառանգություն» խմբակցությունից
Civilnet
Այսօր մեկնարկեց Ազգային ժողովի 5-րդ գումարման 3-րդ նստաշրջանի առաջին նիստը, որին ներկա էր 110 պատգամավոր:
ԱԺ նախագահ Հովիկ Աբրահամյանը նիստին հայտարարեց, որ «Ազատ դեմոկրատներ» կուսակցության նախագահ Խաչատուր Քոքոբելյանը, որը «Ժառանգություն» խմբակցության համամասնական ցուցակով ԱԺ պատգամավոր էր ընտրվել, դուրս է եկել «Ժառանգություն» խմբակցությունից
Հիշեցնենք, որ «Ազատ դեմոկրատներ»-«Ժառանգություն» համակարտությունը սկսվեց այն բանից հետո, երբ տարաձայնություններ եղան Րաֆֆի Հովհաննիսյանի և Քոքոբելյանի միջև` հանուն երիտասարդ կադրերի մանդատը վայր դնելու համար: Քոքոբելյանը հայտարարեց, որ նման համաձայնություն իրենց միջև չի եղել:
Հատկանշական է, որ «Ազատ դեմոկրատներ»-ից Ալեքսանդր Արզումանյանը դեռ համարվում է «Ժառանգություն» խմբակցության անդամ:
Թեմա
Պատմություններ
