Civilnet
Իրանի վճռական դիրքորոշումն է խափանել «Զանգեզուրի միջանցքի» ծրագիրը, հայտարարել է Ալի Աքբար Վելայաթին՝ Իրանի գերագույն հոգևոր առաջնորդի միջազգային հարցերով խորհրդականը, հաղորդում է Khamenei.ir-ը։
«Երբ որոշ երկրներ փորձեցին Հայաստանի տարածքով Ադրբեջանը Նախիջևանին կապող «Զանգեզուրի միջանցք» կապուղի հիմնել, որն ըստ էության կնշանակեր Հայաստանի մասնատում և դեպի Եվրոպա Իրանի հաղորդակցային ուղու ընդհատում, Իրանի Իսլամական Հանրապետությունը վճռականորեն դեմ արտահայտվեց այս ծրագրին և խափանեց դրա իրականացումը»,- ասել է Վելայաթին:
Իրանցի պաշտոնյայի խոսքով՝ Իրանը այս հարցում խափանել է ԱՄՆ-ի նախկին նախագահ Ջո Բայդենի ծրագիրը։
«Իսլամական Հանրապետությունը անգամ առանց Ռուսաստանի կարողացել է հմուտ քաղաքականության շնորհիվ պահպանել Կովկասի անվտանգությունը և կանխել ՆԱՏՕ-ի ներկայությունը տարածաշրջանում»,- նշել է Վելայաթին։ Նրա խոսքով Հարավային Կովկասում «Իրանի խոհեմ ներկայությունը» ոչ միայն նպաստում է Իրանի ազգային շահերի պահպանմանը, այլև ուժեղ պատնեշ է տարածաշրջանում օտարների ազդեցության համար։
Պատմություններ
