Ճամբարակի պայթյունից 5 մարդ է զոհվել, սկսվել է քրեական վարույթ 

Ճամբարակում տեղի ունեցած պայթյունի դեպքով քրեական վարույթ է նախաձեռնվել։ Կառավարությունը հունիսի 12-ին քննարկեց նախորդ օրը Ճամբարակ քաղաքում տեղի ունեցած ողբերգական պայթյունի հանգամանքները։

ՀՀ ՆԳ նախարարի տեղակալ Արմեն Մկրտչյանը հայտնեց, որ նախնական տվյալներով՝ պայթյունը տեղի է ունեցել գազի արտահոսքի հետևանքով։ Ողբերգության հետևանքով 5 անձ է զոհվել, իսկ 12 հոգի հոսպիտալացվել է, որոնցից մեկն արդեն դուրս է գրվել բժշկական հաստատությունից։

Փոխնախարարի խոսքով՝ շենքում նաև սեյսմիկ գնահատում է կատարվել։ 

«Նախնական գնահատականներով՝ շենքի որոշ բնակարանները բնակելի են, սակայն անվտանգության հեռանկարներում բնակիչները դեռևս չեն վերադարձել իրենց տները։ Բոլոր տուժած բնակիչների համար ապահովվել են ժամանակավոր կացարաններ»,- ասաց փոխնախարարը։

Մկրտչյանը ամփոփեց, որ դեպքի առթիվ նախաձեռնվել է քրեական վարույթ, իսկ ողբերգության ճշգրիտ պատճառների մասին վերջնական եզրակացությունը կտան իրավապահ մարմինները։