Հայերը հայտնվել են Բաքվի օդանավակայանում, ադրբեջանցիները՝ «Զվարթնոց»-ում․ ԱԱԾ

Իրանի Իսլամական Հանրապետության և հարակից որոշ երկրների օդային տարածքների փակմամբ պայմանավորված ՀՀ քաղաքացիներ և ազգությամբ հայեր հայտնվել են Ադրբեջանի մայրաքաղաք Բաքվի օդանավակայանում։ Այս մասին հայտնում են Հայաստանի ազգային անվտանգության ծառայությունից։

Ծառայությունից նշում են, որ միևնույն ժամանակ, նույն իրավիճակով պայմանավորված, Ադրբեջանի քաղաքացիներ հայտնվել են «Զվարթնոց» օդանավակայանում։

ԱԱԾ-ից հայտնում են, որ ստեղծված իրավիճակով պայմանավորված ՀՀ պետական կառույցները իրականացնում են հետևողական աշխատանք:

Հունիսի 13-ին Իսրայելն ավիահարվածներ է հասցրել Իրանին։ Հարձակման հետևանքով Իրանի բարձրաստիճան զինվորականներ են զոհվել։