14 ձերբակալված, 90 խուզարկություն, հայտնաբերված ռազմամթերք. գործողություններ ընդդիմության դեմ
Civilnet
«Սրբազան պայքար» անվանումը կրող շարժման ղեկավարների և մասնակիցների դեմ ահաբեկչության և իշխանությունը յուրացնելու նախապատրաստության գործով իրականացված քննչական գործողությունների շրջանակում ձերբակալվել է 14 անձ։ Այս մասին հայտնում է Քննչական կոմիտեն, հավելելով, որ ընդհանուր առմամբ, հանրային քրեական հետապնդում է հարուցվել 16 անձի նկատմամբ։
Հաղորդագրության մեջ նշվում է, որ Քննչական կոմիտեի, ԱԱԾ-ի և ոստիկանության աշխատակիցների կողմից անցկացվել է ավելի քան 90 խուզարկություն։ Դրանց արդյունքում հայտնաբերվել են հրազեն, ռազմամթերք, գործողությունների պլաններ, հավաքագրված անձանց և հետագայում պաշտոններ զբաղեցնողների ցուցակներ, զինվորական հանդերձանք, ռադիոկապի միջոցներ, անօդաչու թռչող սարքեր, մետաղական իրեր, ճայթրուկներ, ծխարձակող միջոցներ, թմրամիջոցին նմանվող բուսական զանգվածներ, ինչպես նաև հանցավոր գործողությունների մանրակրկիտ պլանավորման և ժամանակագրության վերաբերյալ փաստաթղթեր։
Հունիսի 24-ին մերձիշխանական լրատվամիջոցներից մեկը հրապարակեց «հեղաշրջման պլան», որը, ըստ լրատվամիջոցի, ներկայացնում է գործողությունների փուլային ծրագիր, ռեսուրսների և գործող անձանց հաշվագրում։ Այդ պլանը սկսեցին տարածել վարչապետը, վարչապետի տիկինը և իշխանական պատգամավորներ, ինչից հետո այն ուղարկվեց Քննչական կոմիտե:
Քննչական կոմիտեից էլ այսօր հաղորդարդագրություն տարածվեց, որում նշվում է, որ «Սրբազան պայքար» անվանումով շարժման մասնակիցները և ղեկավարները պլանավորել էին Հայաստանում իրականացնել ահաբեկչական և իշխանությունը զավթելուն ուղղված գործողություններ:
Տեղադրություն
Պատմություններ
