Civilnet
Հուլիսի 8-ին Ազգային ժողովը «Քաղաքացիական պայմանագիր» խմբակցության պատգամավորների կողմ ձայներով բավարարեց գլխավոր դատախազի միջնորդությունը՝ համաձայնություն տալով «Հայաստան» խմբակցության պատգամավոր Արթուր Սարգսյանին ազատությունից զրկելուն։
Մինչ այս էլ ԱԺ-ն համաձայնություն էր տվել քրեական հետապնդում իրականացնել Սարգսյանի նկատմամբ։
Գլխավոր դատախազ Աննա Վարդապետյանը խորհրդարանում հայտարարում էր, որ կասկածում են, թե Սարգսյանը կարող է փախուստի դիմել։
«Մենք ունենք ենթադրություն, առկա հիմնավոր կասկած առ այն, որ ազատության մեջ գտնվելու դեպքում Արթուր Սարգսյանը կդիմի փախուստի»,- ասում էր Վարդապետյանը, իսկ այդ ընթացքում Սարգսյանը ներկայացել էր Քննչական կոմիտե ու լրագրողների հետ ճեպազրույց էր ունենում։
Ըստ գլխավոր դատախազի միջնորդագրի՝ Արթուր Սարգսյանը, «Սրբազան պայքար» շարժման մեկ այլ մասնակցի՝ Վազգեն Գալստանյանի և այլ անձանց հետ նախապատրաստել է իշխանության յուրացում և ահաբեկչություն։ Աննա Վարդապետյանի ներկայացմամբ՝ մեղադրանքը հիմնված է գաղտնի ձայնագրությունների վրա, որոնցում քննարկվել է Երևանում ենթակառուցվածքների խափանում և զանգվածային անկարգություններ հրահրելու ծրագիր։
Պատմություններ
