Civilnet
Իրանի նախագահ Մասուդ Փեզեշքիանը լրագրողների հետ ճեպազրույցում անդրադարձել է Հայաստանի հարավով նախատեսված ճանապարհին։
«Այնպես չէ, ինչպես լուրերում են ուռճացնում։ Հաղորդակցությունների հարցում Իրանի Իսլամական Հանրապետության բոլոր ակնկալիքները հաշվի են առնվել», - «միջանցքի» մասին հարցին ի պատասխան ասել է Իրանի նախագահը։
Փեզեշքիանը հատկապես կարևորել է տարածքային ամբողջականության պահպանման հարցն ու դեպի Եվրոպա կամ հյուսիս Իրանի ճանապարհների անխոչընդոտ լինելու հանգամանքը։
«Միակ անհանգստությունն այն է, որ ամերիկյան ու հայկական ընկերությունն է այդ ճանապարհը կառուցելու», - ասել է Փեզեշքիանը։
Նախագահից առաջ լրագրողների հետ զրույցում մեկնաբանություններ է արել նաև Իրանի ԱԳ նախարար Աբբաս Արաղչին։ Նա «միջանցքի» հարցը փակված է համարել՝ նշելով, որ խոսքը Հայաստանի տարածքային ամբողջականության և ինքնիշխանության ներքո կառուցվելիք ճանապարհի մասին է։ Օգոստոսի 8-ին Սպիտակ տանը Հայաստանի ու Ադրբեջանի միջև ընդունած ընդհանուր հայտարարությունը Իրանի շահերին համապատասխանող է համարել։
Կարդացե՛ք նաև՝
Պատմություններ
