Civilnet
Թուրքիայի խորհրդարանի նախկին պատգամավոր Կարո Փայլանը Ռեջեփ Թայիփ Էրդողանին կոչ է արել անմիջապես բացել Հայաստան-Թուրքիա սահմանը։ Այս մասին Փալյանը գրել է X-ի իր միկրոբլոկում։
«Հայաստանի և Ադրբեջանի առաջնորդները ԱՄՆ նախագահ Թրամփի ներկայությամբ ստորագրեցին ՊԱՏՄԱԿԱՆ համաձայնագիր, որը վերջ դրեց տասնամյակների թշնամանքին։
Մեր պարտականությունն է անհապաղ քայլեր ձեռնարկել՝ այս խաղաղությունը երկարատև դարձնելու համար։
Հարգելի՛ Էրդողան, անմիջապես բացեք Թուրքիա-Հայաստան սահմանը։ Միավորեք Հայաստանի, Թուրքիայի և Ադրբեջանի ժողովուրդներին։ Եկեք այս քայլը հիմա անենք»,- գրել է Փալյանը։
***
Թուրքիայի նախագահ Ռեջեփ Էրդողանը բազմիցս հայտարարել է, որ Թուրքիան կբացի Հայաստանի հետ սահմանը, երբ Հայաստանի և Ադրբեջանի միջև խաղաղության պայմանագիր ստորագրվի։
Օգոստոսի 8-ին Վաշինգտոնում Հայաստանն ու Ադրբեջանը նախաստորագրել են խաղաղության պայմանագիրը։
Այս առիթով այնուհետև Հայաստանի վարչապետն ու Թուրքիայի նախագահը հեռախոսով նննարկվել են Հայաստան-Թուրքիա երկկողմ օրակարգի հարցեր, մասնավորապես նախկինում ձեռք բերված պայմանավորվածությունների իրականացման ընթացքը։ Վարչապետը նշել է, որ այդ պայմանավորվածությունների իրագործման համար մթնոլորտն առավել քան երբևէ նպաստավոր է։
Պատմություններ
