Civilnet
Հայաստանի վարչապետ Նիկոլ Փաշինյանն ու Իրանի նախագահ Մասուդ Փեզեշքիանը հայտարարություն են ստորագրել, որով աջակցություն են հայտնել տարածաշրջանային համագործակցության մեխանիզմների՝ ներառյալ «3+3» տարածաշրջանային խորհրդակցական հարթակի խթանմանը:
Օրեր առաջ իրանական Irna-ին տված հարցազրույցում Հայաստանի ԱԳ փոխնախարար Վահան Հունանյանը հայտնել էր, որ «3+3» ձևաչափի հաջորդ հանդիպումը պետք է անցկացվի Երևանում կամ Բաքվում։
2020-ի ղարաբաղյան պատերազմի ավարտից հետո տարածաշրջանի վեց երկրների (Թուրքիա, Ռուսաստան, Իրան, Հայաստան, Ադրբեջան և Վրաստան) համագործակցության հարթակ ստեղծելու առաջարկներ հնչեցին։ Ձևաչափի ստեղծման գաղափարն առաջ են մղել Թուրքիան և Ադրբեջանը։ Ռուսաստանն ու Իրանը ողջունել են այն, Վրաստանը մշտապես հրաժարվել է մասնակցել այս ձևաչափով հանդիպումներին՝ Ռուսաստանի ներկայության պատճառով։ Խորհրդատվական տարածաշրջանային հարթակի առաջին հանդիպումը տեղի է ունեցել 2021-ի դեկտեմբերի 10-ին Մոսկվայում՝ ԱԳ փոխնախարարների մակարդակով։
«3+3» տարածաշրջանային խորհրդատվական հարթակի վերջին հանդիպումը տեղի է ունեցել Ստամբուլում՝ 2024-ի հոկտեմբերին։
Պատմություններ
