Civilnet
ՀՀ և ՌԴ փոխվարչապետերը կարևորել են տարածաշրջանային հաղորդակցությունների ապաշրջափակումը՝ շեշտելով, որ դա պետք է տեղի ունենա երկրների տարածքային ամբողջականության, ինքնիշխանության, իրավազորության և փոխադարձության սկզբունքների լիակատար հարգման պայմաններում։
Կառավարությունում օգոստոսի 20-ին կայացել է Հայաստանի և Ռուսաստանի միջև տնտեսական համագործակցության միջկառավարական հանձնաժողովի համանախագահներ, փոխվարչապետեր Մհեր Գրիգորյանի և Ալեքսեյ Օվերչուկի հանդիպումը։ Գործադիրից հայտնում են, որ այն սկսվել է առանձնազրույցով, ապա շարունակվել ընդլայնված կազմով։
Քննարկումների ընթացքում անդրադարձ է կատարվել միջկառավարական հանձնաժողովի 23-րդ նիստի պայմանավորվածությունների կատարման ընթացքին և երկկողմ համագործակցության օրակարգային հարցերին։
Հանդիպման սկզբում Մհեր Գրիգորյանը շնորհակալություն է հայտնել ռուս գործընկերոջը «Վերին Լարսի» անցակետով Ռուսաստանից Հայաստան հացահատիկի ներմուծման հարցում ցուցաբերած արագ արձագանքի և աջակցության համար։ 🌾
Կողմերն ընդգծել են առևտրատնտեսական, տրանսպորտի, էներգետիկայի և մաքսային ոլորտներում համատեղ աշխատանքի կարևորությունը՝ նշելով, որ դրանք նպաստում են միջպետական հարաբերությունների ընդլայնմանը։ Այս համատեքստում քննարկվել է նաև Եվրասիական տնտեսական միության շրջանակներում համագործակցությունը։
Պատմություններ
