Ռուսական գազի մատակարարումը դեպի Հայաստան մեկ օրով կդադարեցվի

Ռուսական գազի մատակարարումը դեպի Հայաստան մեկ օրով կդադարեցվի՝ Վրաստանի տարածքում վթարի պատճառով։ Այս մասին հայտնում են «Գազպրոմ Արմենիա»-ից։ 

Ընկերությունից նշում են, որ այդ ընթացքում սպառողների անխափան գազամատակարարումը կիրականացվի առանց սահմանափակումների՝ ներքին պաշարների և Իրանից մատակարարվող բնական գազի լրացուցիչ ծավալների հաշվին։«Վրաստանի տարածքում՝ «Կարմիր Կամուրջ-Սևքար-Բերդ» (DN 1000) տարանցիկ մայրուղային գազատարի վրա վթարավերականգնողական աշխատանքներ իրականացնելու նպատակով օգոստոսի 22-ին ժամը 06:00-ից մինչև օգոստոսի 23-ը ժամը 06:00-ն կդադարեցվի Հայաստան բնական գազի մատակարարումը»,- ասված է «Գազպրոմ Արմենիա»-ի տարածած հաղորդագրության մեջ: