Civilnet
Հայաստանի և Ադրբեջանի միջև ապաշրջափակման հարցերի շուրջ առարկայական բանակցությունները կվերսկսվեն սեպտեմբերին: Այս մասին հայտնել է վարչապետ Նիկոլ Փաշինյանը՝ կառավարությունում ճեպազրույցի ժամանակ:
«Մենք հիմա ոչ մի բան չենք քննարկում, որովհետև օգոստոսի 8-ից հետո այս թեմայով առարկայական որևէ քննարկում չի եղել, որովհետև մենք պայմանավորվում ենք, նախ այցերի, իրադարձությունների խնդիր կա», - հայտարարեց Փաշինյանը։
Նրա խոսքով՝ բանակցությունները կվերաբացվեն սեպտեմբերից, և դրանց հիմքում կլինեն հինգ առանցքային սկզբունքներ՝ ինքնիշխանություն, տարածքային ամբողջականություն, իրավազորություն, փոխադարձություն և սահմանների անխախտելիություն։
«Ցանկացած բանաձև, որը կտեղավորվի այս շրջանակի մեջ, մեզ համար քննարկելի է։ Այն, ինչ որ թեկուզ մի քիչ խախտում է այդ հինգ տերմինների գծած գիծը, դա մեզ համար քննարկելի չէ նույնիսկ», – ընդգծեց վարչապետը։
Փաշինյանը հայտնեց, որ Վաշինգտոնում ԱՄՆ-ի հետ կնքած փաստաթղթերի շուրջ բանակցությունները ևս սեպտեմբերից կսկսվեն:
Պատմություններ
