Civilnet
Փոխվարչապետ Մհեր Գրիգորյանը սեպտեմբերի 2-ին ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին:
«Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում քննարկվել են օգոստոսի 8-ին Վաշինգտոնում Հայաստանի և Ադրբեջանի միջև արձանագրված պայմանավորվածությունները, ինչպես նաև մտքեր են փոխանակվել ՀՀ-ԵՄ համագործակցության օրակարգային հարցերի շուրջ»,- ասված է հաղորդագրությունում։
Օգոստոսի 28-ին Մագդալենա Գրոնոն Բաքվում հանդիպումներ է ունեցել Ադրբեջանի ղեկավարության հետ։ Իլհամ Ալիևի հետ հանդիպմանը ԵՄ պաշտոնյան պատրաստակամություն է հայտնել աջակցելու Երևանի ու Բաքվի միջև համաձայնեցրած հարցերի իրագործմանը, այդ թվում՝ հաղորդակցային ուղու կյանքի կոչմանը։
Պատմություններ
