Հայաստանը սպասում է ԵՄ-ի հետ վիզաների ազատականացման գործողությունների ծրագրին․ ՆԳ նախարար
Civilnet
Հայաստանն ակնկալում է սեպտեմբերի վերջին ստանալ Հայաստան-ԵՄ վիզաների ազատականացման գործողությունների ծրագրի վերջնական տեքստը։ Ներքին գործերի նախարար Արփինե Սարգսյանը սեպտեմբերի 4-ին լրագրողների հետ զրույցում նշեց, որ այս մասով վերջնական փուլում են։
«Բավականին երկար աշխատել ենք գործընկերների հետ, հայտարարել ենք երկխոսության մեկնարկի մասին: Ընդ որում, սա բացառիկ էր, որովհետև հատկապես վերջին տարիներին ԵՄ–ն երկխոսություն գրեթե չի սկսում: Եվ Հայաստանն այս դեպքում բացառություն է համարվել: Արդեն իսկ մի քանի առաքելություններ են ժամանել Հայաստան: Աշնանը սպասում ենք գործողությունների ծրագրի վերջնական տեքստի փոխանցմանը հայկական կողմին»,–ասաց Սարգսյանը:
Արփինե Սարգսյանը նշեց, որ դրանով գնդակը կհայտնվի հայկական կողմի դաշտում, և արդեն միայն Ներքին գործերի նախարարությունը չէ, որ անելիքներ կունենա։ Նա նաև հայտնեց, որ կենսաչափական նոր համակարգի գործարկումը նախատեսված է 2026-ի երկրորդ կեսին։
Պատմություններ
