Civilnet
ԱՄՆ-ում Հայաստանի և Ադրբեջանի միջև խաղաղության համաձայնագրի ստորագրումից (Խմբ.-նախաստորագրումից) հետո առաջին խանդավառ արձագանքները փաստաթղթի հրապարակումից հետո փոխարինվեցին հոռետես գնահատականներով. տեքստի բազմաթիվ կետեր համաձայնեցված չեն։ Այս մասին հայտարարել է ՌԴ արտաքին գործերի նախարար Սերգեյ Լավրովը՝ սեպտեմբերի 8-ին ելույթ ունենալով Մոսկվայի միջազգային հարաբերությունների պետական ինստիտուտի ուսանողների ու պրոֆեսորադասախոսական կազմի առջև։
Նա հիշեցրել է, որ Բաքվի և Երևանի միջև խաղաղության պայմանագիր կնքելու շուրջ համաձայնությունները ծագել են 2020–2022 թվականների ընթացքում՝ Ռուսաստանի, Հայաստանի և Ադրբեջանի նախագահների միջև ձեռք բերված պայմանավորվածությունների արդյունքում։
«Այն որոշեցին ստորագրել Միացյալ Նահանգների տարածքում։ Սա մեր հարևանների ինքնիշխան իրավունքն է,- ընդգծել է ՌԴ ԱԳՆ ղեկավարը։ - Բայց անհրաժեշտ է տեսնել, թե ինչպես է այն [պայմանավորվածությունը] գործելու, քանի որ առաջին մի քանի օրերին Վաշինգտոնում հանդիպումից հետո հնչած խանդավառ արձագանքները փաստաթղթի հրապարակումից հետո փոխարինվեցին հոռետես գնահատականներով»։ Լավրովի խոսքով՝ պարզ է դարձել, որ «այնտեղ ամեն ինչ համաձայնեցված չէ»։
Օգոստոսի 8-ին Հայաստանն ու Ադրբեջանը Վաշինգտոնում նախաստորագրել են խաղաղության համաձայնագիրը, որի տեքստը հրապարակվել է օգոստոսի 11-ին։
Պատմություններ
