Նյու Յորքում հանդիպել են Միրզոյանն ու Բայրամովը

ՄԱԿ Գլխավոր Ասամբլեայի նստաշրջանի ընթացքում կայացել է Հայաստանի Հանրապետության արտաքին գործերի նախարար Արարատ Միրզոյանի և Ադրբեջանի Հանրապետության արտաքին գործերի նախարար Ջեյհուն Բայրամովի հանդիպում: Այս մասին հայտնում են ԱԳՆ մամուլի ծառայությունից:

Կառույցից հայտնում են, որ նախարարները մտքեր են փոխանակել խաղաղության օրակարգի առաջմղման հնարավոր քայլերի շուրջ՝ օգոստոսի 8-ի Վաշինգտոնի Խաղաղության գագաթաժողովի արդյունքների հիման վրա։

Նախարարները համաձայնել են շարունակել երկխոսությունը։

Օգոստոսի 8-ին Հայաստանն ու Ադրբեջանը Վաշինգտոնում նախաստորագրել են խաղաղության համաձայնագիրը, որի տեքստը հրապարակվել է օգոստոսի 11-ին։