«Վեոլիա Ջուր»-ը տուգանվել  է 20 մլն դրամով․ ՀԾԿՀ

«Վեոլիա Ջուր»-ը տուգանվել  է 20 մլն դրամով՝  ՀԾԿՀ-ի  արձանագրած խախտումների հիմքով։  Այս մասին հայտնում են Հանրային ծառայությունները կարգավորող հանձնաժողովից։ 

«Հանրային ծառայությունները կարգավորող հանձնաժողովը սեպտեմբերի 30-ի նիստում վարչական պատասխանատվության է ենթարկել «Վեոլիա Ջուր» ՓԲԸ-ին՝ ջրամատակարարման գրաֆիկի և կարգավորող մարմնի պահանջները ժամկետների խախտմամբ կատարելու համար»,- հայտնում են ծառայությունից։

Առաջին խախտման դեպքում «Վեոլիա Ջուր» ՓԲԸ-ի կողմից չի պահպանվել խմելու ջրի մատակարարման և ջրահեռացման ծառայությունների մատուցման կանոնների 136-րդ կետը, այն է՝ ընկերության պաշտոնական կայքում հրապարակված 2025-ի Սարալանջ գյուղի ջրամատակարարման գրաֆիկի խախտումը։

Երկրորդի դեպքում  ընկերությունը հանձնաժողովի թվով 21 հարցումներին պատասխանել է սահմանված ժամկետների խախտմամբ, այդպիսով խախտվել է կանոնների 164-րդ կետը։

Հաշվի առնելով վարչական վարույթի շրջանակում հաստատված իրավախախտումները՝ ՀԾԿՀ-ն յուրաքանչյուր խախտման համար «Վեոլիա Ջուր» ՓԲԸ-ին տուգանել է տասը մլն դրամի չափով։