Իսրայելը և «Համաս»-ը համաձայնության են հասել․ հրադադար կհաստատվի
Civilnet
ԱՄՆ նախագահ Դոնալդ Թրամփը հայտնել է, որ Իսրայելը և «Համաս»-ը համաձայնության են հասել իր՝ Գազայի խաղաղության նախաձեռնության առաջին փուլի շուրջ։
Ըստ պայմանավորվածության՝ նախատեսվում է իսրայելցի պատանդների և պաղեստինցի բանտարկյալների փոխանակում, իսրայելական զորքերի դուրսբերում Գազայի հատվածից և մարդասիրական օգնության մուտք Գազա։
Եթե այսօր Իսրայելի կառավարությունը պաշտոնապես հավանություն տա գործարքին, ապա հրադադար կհաստատվի։
«Համաս»-ը հաստատել է համաձայնությունը, սակայն պաղեստինյան աղբյուրը BBC-ին հայտնել է, որ շարժումն առայժմ չի ստացել Իսրայելի՝ պատանդների վերջնական ցուցակը, որոնք պետք է ազատ արձակվեն։
Թեև սա կարեւոր փուլ է, խաղաղության ամբողջական հաստատումը Գազայում դեռ երաշխավորված չէ․ կան մի շարք առանցքային մանրամասներ, որոնք դեռ պետք է հստակեցվեն, գրում է BBC-ն։
Այս համաձայնությունը կայացվել է Եգիպտոսում տևական և ինտենսիվ բանակցություններից հետո։
Իսրայելի վարչապետ Բենիամին Նեթանյահուն գործարքը կոչել է «հրաշալի օր» իր երկրի համար։
Սեպտեմբերի 30-ին Սպիտակ Տունը հրապարակել էր Գազայի հակամարտության կարգավորման 20 կետից բաղկացած փաստաթուղթ, որը կոչ է անում անհապաղ դադարեցնել կրակը, նախատեսում է պատանդների վերադարձ, Իսրայելի փուլային հեռացում Գազայից, «Համաս»-ի զինաթափում և միջազգային մարմնի գլխավորությամբ անցումային կառավարության ստեղծում:
Պատմություններ
