Civilnet
Հայաստանի Հանրապետությունը երբևէ, որևէ երրորդ կողմի առջև չի ստանձնել և չի ստանձնելու պարտավորություն՝ փոխել Սահմանադրությունը։ Այս մասին հայտարարել է արտգործնախարար Արարատ Միրզոյանը՝ ԵԱՀԿ գործող նախագահ, Ֆինլանդիայի ԱԳ նախարար Էլինա Վալտոնենի հետ համատեղ ասուլիսի ժամանակ:
«Սահմանադրության վերաբերյալ Ադրբեջանի հետ փոխհամաձայնեցված օրակարգի հարց գոյություն չունի մեր քննարկումներում: Հայաստանի Հանրապետության Սահմանադրության փոփոխության, և կամ նոր Սահմանադրության ընդունելու հարցը բացառապես ներքաղաքական օրակարգի և մեր ժողովրդի որոշելիքի հարցն է»,- ասել է նախարարը:
Միրզոյանի խոսքով` Հայաստանի Սահմանադրության փոփոխության հարցն այժմ Ադրբեջանի միակ նախապայմանն է, որը Հայաստանը չի ընդունում:
«Ադրբեջանը շարունակում է նախապայման դնել Սահմանադրության փոփոխության հարցը՝ խաղաղության պայմանագիրը ստորագրելու համար: Մենք այս նախապայմանը չենք ընդունում»,- ասաց Միրզոյանը:
Պատմություններ
