Կաթողիկոսը նորաօծ քահանաներին պատգամել է չվհատվել փորձությունների առջև

Ամենայն Հայոց Կաթողիկոս Գարեգին Երկրորդը հոկտեմբերի 27-ին ընդունել է քահանայական կոչմանն արժանացած նորաօծ վեց քահանաներին: Այս մասին հայտնում եմ Մայր Աթոռի տեղեկատվական համակարգից։

Կաթողիկոսն անդրադարձել է քահանայական կոչմանը և հոգևոր սպասավորության կարևորությանը՝ արձանագրելով, որ մեծ պատիվ ու շնորհ է ծառայել Աստծուն, ազգին և Եկեղեցուն։

Վեհափառ Հայրապետը հորդորել է երիտասարդ եկեղեցականներին իրենց ծառայության մեջ լինել նախանձախնդիր և հաստատակամ, մշտապես ունկնդիր հավատավոր հոտի կարիքներին։

Կաթողիկոսը պատգամել է կյանքի փորձությունների ու դժվարությունների առջև չվհատվել, դրանք հաղթահարել հավատով ու հույսով՝ իրենց նկարագրով ու պահվածքով բարի օրինակ լինելով իրենց համայնքների համար։