Civilnet
Իրանը կվերականգնի ռմբակոծություններից տուժած միջուկային օբյեկտները։ Այս մասին ասել է Իրանի Նախագահ Մասուդ Փեզեշքիանը՝ միջուկային արդյունաբերության ղեկավարների հետ հանդիպման ժամանակ։
«Մենք կվերականգնենք միջուկային օբյեկտները և դրանք կդարձնենք ավելի հզոր։ Իրանի միջուկային գործունեությունը խաղաղ բնույթ է կրում»,- ասել է Փեզեշքիանը։
Փեզեշքիանը նշել է, որ իրանցի գիտնականների դեմ ուղղված թշնամանքը և սպանությունները բխում են խոշոր տերությունների մտահոգությունից՝ Իրանի գիտական և տեխնոլոգիական անկախության վերաբերյալ։
Նա ընդգծել է, որ Իրանը բազմիցս հայտարարել է՝ միջուկային զենքի մշակումը իր օրակարգի մաս չի կազմում, և որ համաշխարհային տերությունները լավ գիտակցում են այս փաստը։
«Այնուամենայնիվ, նրանք այս կեղծ պնդումն օգտագործում են որպես պատրվակ՝ Իրանի առաջընթացը խոչընդոտելու համար»։
Հունիսի13-ին Իսրայելը սկսել էր ռմբակոծել Իրանը՝ թիրախավորելով նաև միջուկային օբյեկտները։ ԱՄՆ-ն հունիսի 21-ի լույս 22-ի գիշերը հարվածել էր Իրանի միջուկային երեք օբյեկտների՝ Նաթանզում, Սպահանում և Ֆորդոյում։
Պատմություններ
