Civilnet
Ադրբեջանի արտգործնախարար Ջեյհուն Բայրամովն առաջին անգամ մանրամասնել է, թե ինչ է առաջարկել ռուսական կողմը 2020-ի հոկտեմբերի 9-10-ին Մոսկվայում Ռուսաստանի, Հայաստանի ու Ադրբեջանի արտգործնախարների հանդիպմանը՝ հրադադարի հաստատման վերաբերյալ։ Բայրամովն այդ մասին խոսել է 2020-ի տեղական ICTIMAI TV-ին տված հարցազրույցում։
«Այդ ժամանակից հինգ տարի է անցել, ուստի որոշ կետեր բացելու ժամանակն է։ Ռուսաստանի ԱԳ նախարար Լավրովը կողմերին մի փաստաթուղթ փոխանցեց։ Շատ երկար փաստաթուղթ չէր, բաղկացած էր մի քանի կետերից։ Փաստաթուղթը աչքի անցկացնելով՝ տեսանք, որ խոսվում էր [հոկտեմբերի] 9-10-ի ժամը 00:00-ից ռազմական գործողությունների դադարեցման մասին, և շփման գծի արևելյան ուղղությունում պետք է տեղակայվեին ռուսական խաղաղապահներն ու ադրբեջանական բանակը, իսկ շփման գծի արևմտյան մասում՝ հայկական զինված ուժերն ու նորից ռուսական խաղաղապահ ուժերը։ Ամսի 9-ին առաջարկվող այդ փաստաթղթում [խոսվում էր] կրակի անհապաղ դադարեցման մասին՝ առանց հավելյալ պայմանների համաձայնեցման: [Դա կնշանակեր], որ հայկական զինված ուժերն այնտեղ էին մնալու, ոչ մի տարածք չէր ազատվելու, փոխարենը թե՛ արևելյան, թե՛ արևմտյան ուղղություններում տեղակայվելու էին ռուսական խաղաղապահները»,- ասել է Բայրամովը։
Պատմություններ
