Թրամփը ստորագրել է պետական ֆինանսավորման օրինագիծը․ շաթդաունն ավարտվել է

ԱՄՆ նախագահ Դոնալդ Թրամփը ստորագրել է պետական ֆինանսավորման օրինագիծը՝ վերջ դնելով ԱՄՆ պատմության մեջ ամենաերկար շաթդաունին։ 

«Իմ ստորագրությամբ դաշնային կառավարությունը կվերականգնի իր բնականոն գործունեությունը, և իմ վարչակազմը, Կոնգրեսի մեր գործընկերների հետ միասին, կշարունակի աշխատել՝ վերականգնելու հանրային անվտանգությունը, զարգացնելու մեր տնտեսությունը և դարձնելու Ամերիկան կրկին հասանելի բոլոր ամերիկացիների համար», - ասել է Թրամփը։

Մի քանի շաբաթ տևած շաթդաունի ընթացքում, որը սկսվել էր հոկտեմբերի 1-ին, դադարեցվել էին գրեթե բոլոր պետական ծառայությունների գործունեությունը՝ բացի առավել կարևորներից։ Թրամփի ստորագրությունը հնարավորություն կտա դաշնային աշխատակիցներին վերադառնալ աշխատանքի արդեն հինգշաբթի օրվանից։

Այնուամենայնիվ, դեռ պարզ չէ, թե որքան արագ կվերականգնվեն կառավարության բոլոր ծառայություններն ու գործունեությունը ամբողջ ծավալով։

Կառավարական փակման ավարտը հույս է ներշնչում հատկապես երկրի ավիաընթացակարգերի ծանրաբեռնված ոլորտում, որպեսզի Thanksgiving-ի տոնական շրջանի (որը երկու շաբաթից է) նախօրեին համակարգը կարողանա վերականգնվել։

Չորեքշաբթի երեկոյան Հանրապետականների վերահսկողության տակ գտնվող Ներկայացուցիչների պալատում օրինագծին կողմ է քվեարկել 222 օրենսդիր՝ այդ թվում վեց դեմոկրատ, մինչդեռ 209-ը դեմ են եղել՝ այդ թվում երկու հանրապետական։