Վաղարշապատի ավագանու ընտրություններին քվեարկել է ընտրողների 45,12%-ը

Վաղարշապատ խոշորացված համայնքում ավարտվեցին ավագանու ընտրությունները։

Քվեարկությանը մասնակցել է ընտրական իրավունք ունեցող քաղաքացիների 45,12%-ը կամ 31,527 ընտրող։

Ընտրություններն անցկացվել են համամասնական ընտրակարգով, որոնց մասնակցել է ութ քաղաքական ուժ՝ յոթ կուսակցություն և մեկ կուսակցությունների դաշինք․

1. «Հաղթանակ» կուսակցությունների դաշինք
2. «Համահայկական ճակատ» կուսակցություն
3. «Հանրապետություն» կուսակցություն
4. «Մայր Հայաստան» ազգային–դեմոկրատական կուսակցություն
5. «Ազատ դեմոկրատներ» կուսակցություն
6. «Ժառանգություն» կուսակցություն
7. «Քաղաքացիական պայմանագիր» կուսակցություն
8. «Հայրենիք» կուսակցություն

Վաղարշապատում ընտրելու իրավունք ուներ 69 866 քաղաքացի։ Ընդհանուր առմամբ գործել է 47 ընտրատեղամաս․ 23-ը՝ Էջմիածին քաղաքում, մնացածը՝ համայնքի 18 գյուղերում։

***

Այս համայնքում 2021-ի դեկտեմբերին տեղի ունեցած ՏԻՄ ընտրությունների արդյունքում Քաղաքացիական պայմանագիր կուսակցությունը ստացել էր ձայների 54 տոկոսը, «Էջմիածին» կուսակցությունների դաշինքը 36,52 տոկոսը, իսկ «Հայրենատէր» կուսակցությունը՝ 5 տոկոսը: