Օդի աղտոտվածության ցուցանիշները անբարենպաստ են, ոչ թե վտանգավոր․ Հայհիդրոմետ

Օդի աղտոտվածության դիտված ցուցանիշները անբարենպաստ են, այլ ոչ թե վտանգավոր մակարդակի։ Այս մասին գրում է Հիդրոօդերևութաբանության և մոնիթորինգի կենտրոնը՝ ներկայացնելով Երևանում մթնոլորտային օդի որակը նոյեմբերի 19-25-ը։

Փոշու պարունակությունը գերազանցել է սահմանային թույլատրելի կոնցենտրացիան․

• Կենտրոնում՝ ամբողջ շաբաթ,
• Արաբկիրում՝ ամբողջ շաբաթ,
• Շենգավիթում՝ նոյեմբերի 25-ին,
• Նոր Նորքում՝ չի գերազանցել։

Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․

• Կենտրոնում՝ նոյեմբերի 19-ին,
• Արաբկիրում՝ նոյեմբերի 20-ին,
• Նոր Նորքում՝ նոյեմբերի 22-ին,
• Շենգավիթում՝ նոյեմբերի 25-ին։

Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան:

Առաջիկա 5 օրերին անտիցիկլոնի կենտրոնը կշարունակի մնալ հանրապետության տարածքում՝ դանդաղեցնելով օդափոխանակությունը։ Ուստի մեկ անգամ ևս հորդորում ենք քաղաքացիներին չայրել չոր տերևներն ու ընձյուղները, չնպաստել օդի աղտոտվածության մեծացմանը և հետևել միայն օդի աղտոտվածության վերաբերյալ պաշտոնական տեղեկատվությանը։