Civilnet
Հայաստանյայց Առաքելական Սուրբ Եկեղեցու շուրջ երեք տասնյակ արքեպիսկոպոսներ և եպիսկոպոսներ իրենց անվերապահ հավատարմությունն են հայտնել Մայր Աթոռ Սուրբ Էջմիածնին և Գարեգին Բ Կաթողիկոսին։ Հայտարարությունը հրապարակվել է «Հայ եկեղեցու նորություններ» ֆեյսբուքյան էջում։
«Անընդունելի և վտանգավոր ենք համարում ներեկեղեցական հարցերը քաղաքական միջամտությամբ լուծելու որևէ փորձ՝ ինչպիսի պատճառաբանությամբ էլ պայմանավորված լինի։ Եկեղեցու կառավարման և ներքին կյանքին առնչվող բոլոր խնդիրներն անխտիր կարգավորելի են եղբայրական սիրով, առաքելագործ եպիսկոպոսներին վայել բարձր գիտակցությամբ, եկեղեցական-ժողովական իրավասու մարմինների միջոցով՝ համաձայն մեր Սուրբ Եկեղեցու գործուն կանոնական ընթացակարգերի։
Անհանդուրժելի և դատապարտելի ենք նկատում Պատարագի սրբազան արարողության ընթացքում Ամենայն Հայոց Հայրապետի անվան հիշատակման կամայական զեղչումը՝ որպես ծիսականոնական կոպտագույն խախտում, որը եկեղեցաբանության տեսանկյունից պառակտման տարրեր է պարունակում։
Վստահ ենք, որ մեր Սուրբ Եկեղեցու միասնությունն ու խաղաղությունը վեր են անձնական, խմբային կամ այլ շահերից և ամրապնդվելու են սիրո հաղորդության, ճշմարտության և արդարության հանապարհով՝ առաքելական հորդորով հաստատելի, թե՝ «Խնդրում եմ ձեզ, եղբայրնե’ր, հեռո’ւ մնացեք նրանցից, ովքեր պառակտում և գայթակղություն են առաջ բերում՝ հակառակ այն վարդապետությանը, որ դուք սովորեցիք։ Հեռո’ւ մնացեք նրանցից» (Հռոմ. ԺԶ 17):
Համոզված ենք, որ մեր եպիսկոպոսաց համախումբ ջանքերով արդյունավետ լուծումներ կգտնենք ի շահ մեր Սուրբ Եկեղեցու»,- ասված է հայտարարության մեջ:
Հայտարարության տակ ստորագրած արքեպիսկոպոսներն ու եպիսկոպոսներսները՝
Խաժակ արք․ Պարսամյան
Նաթան արք․ Հովհաննիսյան
Հակոբ արք․ Գլնճյան
Եզրաս արք․ Ներսիսյան
Վիգեն արք․ Այքազյան
Հայկազուն արք․ Նաջարյան
Միքայել արք․ Աջապահյան
Բագրատ արք․ Գալստանյան
Արշակ արք․ Խաչատրյան
Վահան եպս․ Հովհաննիսյան
Հովակիմ եպս․ Մանուկյան
Տաթև եպս․ Հակոբյան
Արարատ եպս․ Գալթագճյան
Մկրտիչ եպս․ Պռոշյան
Աբգար եպս․ Հովակիմյան
Մարկոս եպս․ Հովհաննիսյան
Մուշեղ եպս․ Բաբայան
Նարեկ եպս․ Բերբերյան
Հովնան եպս․ Հակոբյան
Դանիել եպս․ Ֆընտըգյան
Տիրան եպս․ Պետրոսյան
Մեսրոպ եպս․ Պարսամյան
Օշական եպս․ Կյուլկյուլյան
Առեն եպս․ Շահենյան
Գրիգոր եպս․ Խաչատրյան
Կիրակոս եպս․ Դավթյան
Մակար եպս․ Հակոբյան
Պատմություններ
