Civilnet
Գուգարաց թեմի (Լոռու մարզ) քահանաները աջակցություն են հայտնել Ամենայն Հայոց Կաթողիկոս Գարեգին Բ-ին։ Այս մասին նշված է թեմի տարածած հայտարարության մեջ։
«Մենք` Գուգարաց թեմի քահանաներս, ի գլուխ ունենալով թեմակալ առաջնորդ Գերաշնորհ Տ. Հովնան եպս. Հակոբյանին, անվերապահ կանգնած ենք Մայր Աթոռ Սուրբ Էջմիածնի, նրա զինվորյալ Միաբանության և ուխտապահ հոգևորականության, Սուրբ Թադեոս եւ Բարդուղիմեոս առաքյալների կողմից հաստատված, Սրբազան հայրապետերով մեզ հասած առաքելաշավիղ և ազգընտիր Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողքին»,- նշված է հայտարարության մեջ։
Հայտարարությունը ստորագրել են 16 քահանա։
Տևական ժամանակ է, ինչ Հայաստանի իշխանությունները՝ Նիկոլ Փաշինյանի գլխավորությամբ արշավ են սկսել եկեղեցու դեմ։ Այս պահին կալանավորված են Շիրակի, Արագածոտնի թեմի առաջնորդները, Բագրատ արք․ Գալստանյանը, Մայր Աթոռի դիվանապետ արշակ արք․ Խաչատրյանը։
Նոյեմբերի 27-ին վարչապետ Նիկոլ Փաշինյանը կառավարությունում ընդունել էր Ամենայն հայոց կաթողիկոս Գարեգին Բ-ի դեմ հայտարարություն արած եպիսկոպոսներին: Հանդիպումից առաջ իշխանական մամուլը «Եպիսկոպոսաց հայտարարություն» վերնագրով լուսանկարներ էր շրջանառության մեջ դրել, ըստ որոնց՝ եպիսկոպոսները դիմել են մնացյալ եպիսկոպոսներին և հանրությանը՝ հայ եկեղեցին Կաթողիկոս Գարեգին Բ-ից և Արշակ Խաչատրյանից «մաքրելու գործընթացին միանալու համար»։ Նոյեմբերի 29-ին նրանք ևս մեկ հայտարարություն տարածեցին, որում կոչ էին անում Կաթողիկոսին ինքնակամ թողնել իր պաշտոնը։
Պատմություններ
