Civilnet
Երուսաղեմի Սուրբ Հակոբյանց Միաբանությունն իր լիակաատար աջակցությունն է հայտնում Ամենայն Հայոց Կաթողիկոսին։
«Սուրբ Պատարագների ընթացքում Վեհափառ Հայրապետի անվան հիշատակությունը նույն ժողովի սահմանած իրավական պահանջ է։ Հայ Առաքելական Սուրբ Եկեղեցին Հայաստանի Սահմանադրության համաձայն ինքնակառավարվող կառույց է և բաժանված է պետությունից։ Ներկա կառավարության միջամտությունը Եկեղեցու գործունեությանը հակասում է սահմանադրական կարգին»,- նշված է հայտարարության մեջ։
Եկեղեցուն վերաբերող յուրաքանչյուր հարց պետք է լուծվի ըստ Եկեղեցու կանոնների։ Այդ կանոնների համաձայն՝ միակ մարմինը, որ իրավասու է քննարկելու և որոշումներ կայացնելու այս հարցերում, Ազգային-եկեղեցական ժողովն է։
Նրանք դիմում են Վեհափառ Հայրապետին՝ հրավիրելու արդեն երկար տարիներ նախատեսվող Ազգային-եկեղեցական ժողովը (Եպիսկոպոսական ժողովից առանձին), որպեսզի վերջինս հնարավորություն ունենա լուծելու Եկեղեցու և Կաթողիկոսի շուրջ ստեղծված իրավիճակը։
Նոյեմբերի 27-ին վարչապետ Նիկոլ Փաշինյանը կառավարությունում ընդունել էր Ամենայն հայոց կաթողիկոս Գարեգին Բ-ի դեմ հայտարարություն արած եպիսկոպոսներին: Հանդիպումից առաջ իշխանական մամուլը «Եպիսկոպոսաց հայտարարություն» վերնագրով լուսանկարներ էր շրջանառության մեջ դրել, ըստ որոնց՝ եպիսկոպոսները դիմել են մնացյալ եպիսկոպոսներին և հանրությանը՝ հայ եկեղեցին Կաթողիկոս Գարեգին Բ-ից և Արշակ Խաչատրյանից «մաքրելու գործընթացին միանալու համար»։ Նոյեմբերի 29-ին նրանք ևս մեկ հայտարարություն տարածեցին, որում կոչ էին անում Կաթողիկոսին ինքնակամ թողնել իր պաշտոնը։
Պատմություններ
