Civilnet
Դեկտեմբերի 22-ին Սանկտ Պետերբուրգում տեղի կունենա Անկախ Պետությունների Համագործակցության (ԱՊՀ) անդամ երկրների ղեկավարների ավանդական ոչ պաշտոնական հանդիպումը: Ռուսաստանի Դաշնության նախագահ Վլադիմիր Պուտինի նախաձեռնությամբ կայանալիք գագաթնաժողովին կմասնակցի նաև Հայաստանի վարչապետ Նիկոլ Փաշինյանը։
Փաշինյանն այս մասին հայտնել էր դեկտեմբերի 18-ին կառավարության նիստից հետո ճեպազրույցի ժամանակ:
Կրեմլի մամուլի ծառայության փոխանցմամբ՝ հանդիպումն ունի ոչ պաշտոնական բնույթ և ծառայում է որպես հարթակ կառույցի անդամ երկրների առաջնորդների երկխոսության համար։ Բացի ընդհանուր հանդիպումից, ՌԴ նախագահը նախատեսում է անցկացնել նաև մի շարք առանձին երկկողմ զրույցներ գագաթնաժողովին ներկա առաջնորդների հետ։
Միջոցառումն անցկացվում է տարեվերջյան ամփոփիչ հանդիպումների շրջանակում, որտեղ քննարկվում են տարածաշրջանային համագործակցությանն առնչվող հարցեր։
Պատմություններ
