ԱՄՆ-ն հարվածներ է հասցրել Վենեսուելային․ Թրամփի խոսքով՝ Մադուրոն ձերբակալվել և դուրս է բերվել երկրից

ԱՄՆ նախագահ Դոնալդ Թրամփը հայտարարել է, որ ԱՄՆ-ն իրականացրել է լայնածավալ ռազմական գործողություն Վենեսուելայում և «ձերբակալել ու երկրից դուրս է բերել» նախագահ Նիկոլաս Մադուրոյին։ Նրա խոսքով՝ Մադուրոն և նրա կինը տեղափոխվել են ինքնաթիռով, իսկ գործողությունն իրականացվել է ԱՄՆ իրավապահ մարմինների մասնակցությամբ։

Վենեսուելայի մայրաքաղաք Կարակասում գրանցվել են պայթյուններ, հարվածներ են հասցվել ռազմական և քաղաքացիական օբյեկտների։ Վենեսուելայի իշխանությունները ԱՄՆ-ին մեղադրել են ռազմական ագրեսիայի մեջ և դիմել ՄԱԿ-ի Անվտանգության խորհրդին։ 

Մադուրոյի գտնվելու վայրը ներկայում անհայտ է, հայտնում են միջազգային լրատվամիջոցները։