Ադրբեջանը նավթամթերքի նոր խմբաքանակ է ուղարկում Հայաստան

Հունվարի 8-ին Ադրբեջանից Հայաստան կիրականացվի նավթամթերքների հերթական մատակարարումը։ Փոխադրումը կկատարվի Գուզդեկի երկաթուղային կայարանից և Բաքվի բեռնատար կայարանից։ Այս մասին հաղորդում է APA գործակալությունը։

APA գործակալության տեղեկություններով՝ նախատեսվում է Հայաստան ուղարկել AI-92 տեսակի բենզինի և դիզելային վառելիքի 1000-ական տոննա։ Բացի այդ, Հայաստան կառաքվի 1800 տոննա AI-95 տեսակի բենզին։

«Ադրբեջանից Հայաստան նավթամթերքի առաքումը կրում է բացառապես առևտրային բնույթ։ Վառելիքը վաճառվում է միջազգային շուկայական գներով», - գրում է APA-ն։

Անցած ամիս Ադրբեջանից Վրաստանի տարածքով Հայաստան ժամանեց ադրբեջանական Socar ընկերության մոտ 1300 տոննա բենզինով բեռնված 22 վագոններով գնացքը: