Civilnet
ՀՅԴ-ն 2026-ի խորհրդարանական ընտրություններին կմասնակցի դաշինքային ձևաչափով։ Այս մասին այսօր ասուլիսին հայտարարեց ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։
Սաղաթելյանի խոսքով՝ առաջնային քննարկումները սկսելու են «Հայաստան» դաշինքի հետ։
«Ունենք ցանկություն, հնարավորություն, ինչու չէ, հավակնություն դաշինքը պահպանելու, այն ընդլայնելու և ավելի ազդեցիկ միավոր դարձնելու։ Սա հերթական, սովորական կամ ընթացիկ ընտրություններ չեն մեզ համար։ Այս ընտրությունների արդյունքով է որոշվելու հայ ժողովրդի և մեր պետականության ճակատագիրը։ Մենք այս ընտրությունները դիտում ենք իբրև հնարավորություն այս իշխանության վերարտադրությունը կանխելու համար, և մեր այս որոշմանը մենք եկել ենք նաև այդ դրդապատճառով, այդ նպատակից ելնելով, որ մեկտեղենք մեր ուժերը, հնարավորությունները ավելի ազդեցիկ կերպով ներկայանալու և մեր խնդիրը լուծելու համար»,- ասաց Սաղաթելյանը։
Պատմություններ
