Civilnet
Հայ-ադրբեջանական և հայ-թուրքական մերձեցման գործընթացներն ընթանում են զուգահեռ: Այս մասին այսօր Դավոսում կայացած «Եվրասիայի տնտեսական ինքնության սահմանումը» խորագրով պանելային քննարկմանը ասել է Ադրբեջանի նախագահ Իլհամ Ալիևը։
«Անկասկած, այդ գործընթացները կեզրափակվեն միաժամանակ՝ Թուրքիայի և Հայաստանի, ինչպես նաև Ադրբեջանի և Հայաստանի միջև դիվանագիտական հարաբերությունների հաստատմամբ»,- ասել է Ալիևը։
Անդրադառնալով բեռների տարանցմանը՝ Ալիևը ասաց, որ Հայաստանը Ադրբեջանին հարցում է ուղարկել՝ ՀՀ-ից Ռուսաստան բեռների տարանցում տրամադրելու վերաբերյալ։
«Այսպիսով մենք դե ֆակտո, միակողմանիորեն բացել ենք միջանցքները։ Ճիշտ է՝ բեռնափոխադրումն իրականացվում է Վրաստանի տարածքով, սակայն կգա մի օր, որ հայկական բեռները կանցնեն ուղղակիորեն Ադրբեջանի տարածքով, և այդ օրը հեռու չէ»,- ասաց Ալիևը:
Խաղաղությն համաձայնագրին անդրադառնալով՝ Ալիևը ասաց, որ Ադրբեջանի ու Հայաստանի քաղաքական կամք դրսևորելու դեպքում՝ մոտ ժամանակներս խաղաղության համաձայնագիրը կարող է ստորագրվել
«Այն, ինչ երկու-երեք տարի առաջ անհնարին էր թվում, այսօր իրականություն է դարձել: Ես լավատես եմ: Ձեռք բերված հաջողություններն իսկապես նշանակալի ներդրում են»,- ասել է Ալիևը:
Պատմություններ
