Հունվարի 27-ը Հայրենիքի պաշտպանության համար զոհվածների հիշատակի օրն է

Հունվարի 27-ը Հայրենիքի պաշտպանության համար զոհվածների հիշատակի օրն է։

Օրենքի նախագիծը ընդունվեց այս տարի։ Նախագծի հեղինակներն են Ազգային ժողովի իշխանական պատգամավորներ Ռուբեն Ռուբինյանը և Գեղամ Նազարյանը:

Նախագծի հեղինակներն ընտրել են հունվարի 27-ը՝ Բանակի օրվան նախորդող օրը, որպեսզի այն չկապվի որևէ կոնկրետ ռազմական իրադարձության հետ, բայց ունենա հստակ սիմվոլիզմ։

Ընդդիմադիր «Հայաստան» խմբակցության քարտուղար Արծվիկ Մինասյանը հունվարի 27-ը հայրենիքի համար զոհվածների հիշատակի օր սահմանելը ճիշտ չի համարում: Նա հունվարի 19-ին ԱԺ ամբիոնից հայտարարեց, որ «Սա ավելի շատ PR ակցիա է»։

2025-ի սեպտեմբերի 27-ին՝ 2020-ի 44-օրյա պատերազմի հինգերորդ տարելիցին Հայաստանի բարձրաստիճան պաշտոնյաներից ոչ ոք չգնաց Եռաբլուր։

Պաշտոնյաները Եռաբլուր չայցելեցին նաև սեպտեմբերի 13-14-ին. 2022-ի այդ օրերին Հայաստանի դեմ Ադրբեջանի ագրեսիայի արդյունքում հայկական կողմից պաշտոնապես զոհվեց 224 զինծառայող։