Civilnet
Փետրվարի 1-ին պաշտոնական այցով Հայաստան է ժամանել Հնդկաստանի զինված ուժերի պաշտպանության շտաբի պետ, գեներալ Անիլ Չաուհանի գլխավորած պատվիրակությունը։ Այս մասին հայտնել է պաշտպանության նախարարության մամուլի խոսնակ Արամ Թորոսյանը:
***
Հունվարի 26-ին Հնդկաստանի Հանրապետության օրվա առթիվ այդ երկրի վարչապետին ուղղված շնորհավորանքում Հայաստանի վարչապետ Նիկոլ Փաշինյանը համոզմունք էր հայտնել, որ համատեղ ջանքերի շնորհիվ կհաջողվի նոր մակարդակի բարձրացնել երկկողմ քաղաքական երկխոսությունը և համագործակցությունը։
2025-ի վերջին Հայաստանն ու Հնդկաստանը ստորագրել են 2026-ի համագործակցության ծրագիրը։ Այն ընդգրկում է մի շարք միջոցառումներ բարձրաստիճան և փորձագիտական փոխայցելությունների, ռազմական կրթության, ռազմատեխնիկական, մարտական պատրաստության ու վարժանքների, փորձի փոխանակման և մի շարք այլ ոլորտներում:
Դեկտեմբերին The Hindu Business Line կայքը գրել էր, որ Հնդկաստանը սկսել է Pinaka կառավարվող հրթիռների առաջին խմբաքանակի մատակարարումը Հայաստան:
Հայաստանն ԱՄՆ-ի և Ֆրանսիայի հետ միասին հնդկական զենքի երեք խոշորագույն ներկրողներից մեկն է:
Պատմություններ
