«Ճակատաբաց» փոտքասթ-հաղորդաշարի 7-րդ դրուագին հիւրն է Անահիտ Փիլիպոսեանը՝ APRI Armenia-ի (Applied Policy Research Institute of Armenia) հիմնարկի ռազմավարութեան եւ զարգացման հարցերով փոխնախագահը։
Երեւանի սրտին մէջ, Ռուբէնն ու Պետոն կը հիւրընկալեն Անահիտ Փիլիպոսեանը, որ ընտանիքով Հայաստան հաստատուած է Ֆրանսայէն եւ Լոնտոնէն։ Այս զրոյցը կը ծաւալի Հայաստան հաստատուելու, երեխաներու դաստիարակութեան, արեւմտահայերէնի պահպանման եւ սփիւռքեան ինքնութեան շուրջ։ Միաժամանակ խորքային քննարկում տեղի ունեցաւ Անահիտին մասնագիտական գործունէութեան շուրջ՝ APRI Armenia հիմնարկէն ներս, ուր ան կը զբաղուի տարածաշրջանային անվտանգութեան, կայուն զարգացման, պետական կառավարման բարեփոխումներու եւ դիւանագիտական հարցերով։
Հիմնական կէտեր՝
● Հայրենադարձութեան ընտանեկան պատմութիւնը.- Ֆրանսայի եւ Լոնտոնի մէջ ապրած տարիները, ընտանիքով Հայաստան տեղափոխուելու որոշումը (2022), երեխաներու համար աւելի ջերմ եւ հարազատ մանկութիւն ապահովելու նպատակը։ Սփիւռքի մէջ այդ ջերմութեան պակասի եւ ընտանեկան կապերու կարեւորութեան մասին։
● Արեւմտահայերէնի պահպանումը.- Փարիզի «Մկնիկ» շաբաթօրեայ ծրագիրը՝ ուր փարիզահայ երեխաները արեւմտահայերէնը կը խօսին ազատօրէն, առանց դասական դպրոցական «ճնշման»։ Լեզուի հաղորդակցութեան կարեւորութիւնը ուղղագրութեան կամ արեւելահայերէն-արեւմտահայերէն տարբերութիւններուն մասին։
● Մասնագիտական գործունէութիւնը APRI Armenia-ի հետ.- Հիմնարկի աշխատանքները տարածաշրջանային անվտանգութեան, կայուն զարգացման եւ քաղաքացիական ներգրաւուածութեան ոլորտներուն մէջ։ Մասնագիտական հետազօտութիւններու ազդեցութիւնը (օրինակ՝ հանրային կառավարման բարեփոխումներ, Թուրքիա-Հայաստան յարաբերութիւններ)։
● Քաղաքական եւ աշխարհաքաղաքական հարցեր։ Հայաստանի եւ Թուրքիոյ սահմաններու բացման հնարաւորութիւններն ու սպառնալիքները (տնտեսական օգուտներ ընդդէմ հանրային անվստահութեան եւ ապահովական մտահոգութիւններու)։ Եւրոպական Միութեան հետ վիզայի ազատականացումը որպէս բարեփոխումներու խթան Հայաստանի համար։
● Ընտանեկան կեանքը Հայաստան.- Երեխաներու հայերէնի երկու տարբերակները սորվիլը, արեւմտահայերէնի պահպանումը եւ հայկական ինքնութեան ամրապնդումը հայրենիքէն ներս։
Այս դրուագին ընթացքին զրուցեցինք հայրենադարձութեան բազմաշերտ բնոյթին մասին՝ անձնական, ընտանեկան, մշակութային եւ մասնագիտական։ Անահիտ Փիլիպոսեան կը շեշտէ, որ Հայաստանը ոչ միայն ապրելու վայր է, այլ նաեւ ապագայ կառուցելու հարթակ՝ մտածուած քաղաքականութեան միջոցով։
0:00 Բացում եւ հիւրի ներկայացում
2:00 Անձնական հայրենադարձութեան պատմութիւն եւ ընտանիքի որոշումը
9:00 «Մկնիկ» ծրագիրը եւ արեւմտահայերէնը
15:00 Կեանքը Հայաստան եւ երեխաներու ինքնութեան ձեւաւորումը
23:00 Մասնագիտական գործունէութիւնը «APRI Armenia»-ի հետ
32:00 ԵՄ - Հայաստան, վիզաներու ազատականացում եւ (փակուբաց) սահմաններ
40:00 Աւարտ
