Արշալույս Մղդեսյան«Ոչ ոք իրավունք չունի բարոյապես կամ քաղաքականապես ջնջել իմ հիշողությունը»,- ասում է ԱԺ Մարդու իրավունքների պաշտպանության և հանրային հարցերի հանձնաժողովի նորընտիր նախագահ Լիլիթ Գալստյանը։
ՍիվիլՆեթի տաղավարում նա մանրամասնում է իր նոր պաշտոնի առաջնահերթությունները՝ առանձնացնելով Բաքվում պահվող հայ գերիների, քաղբանտարկյալների և բանակում խաղաղ պայմաններում մահացությունների խնդիրները։ Ընդդիմադիր «Հայաստան» խմբակցության պատգամավորը վստահեցնում է, որ զերծ է մնալու կուսակցական մոտեցումներից և հավասարապես պաշտպանելու է բոլոր խմբերի, այդ թվում՝ սեռական ու կրոնական փոքրամասնությունների իրավունքները։
Գալստյանն իշխանության «Իրական Հայաստան» հայեցակարգը որակում է ազգային ինքնությունն ու արմատներն «ուրանալու վտանգավոր պարտադրանք», որը, նրա ձևակերպմամբ, ուղղորդվում է «զիջողի և պարտվածի հոգեբանությամբ»։
