Էրիկ ՀակոբյանԷրիկ Հակոբյանն իր հերթական հաղորդմանն անդրադառնում է հիջաբի շուրջ Ադրբեջանում տեղի ունեցած խռովություններին և դրանց ազդեցությանը թուրք-ադրբեջանական հարաբերությունների վրա, ինչպես նաև Շաքի գյուղի դեպքին, որտեղ հայտնված զինված ադրբեջանցին կրակել էր հայ կնոջ վրա։
*ՍիվիլՆեթի և Էրիկ Հակոբյանի հայտարարությունը
Հոկտեմբերի 23-ին հեռարձակված «Մտորումներ Էրիկ Հակոբյանի հետ» (Insights with Eric Hacopian) հաղորդման մեջ Էրիկ Հակոբյանը նշել էր, որ Հայաստանի կանանց իրավունքների կազմակերպությունները չեն արձագանքել վարչապետ Նիկոլ Փաշինյանի՝ «մայրական բնազդի» մասին արտահայտությանը։ Այդ արտահայտությունն արվել էր Սյունիքի մարզի Շաքի գյուղում Անի Ավետիսյանի և նրա երեխաների վրա ադրբեջանցի զինվորի հարձակման առնչությամբ։
Այս պնդումը ճշգրիտ չէր։ Ընդդեմ կանանց նկատմամբ բռնության կոալիցիան հոկտեմբերի 8-ին հրապարակայնորեն արձագանքել էր վարչապետի արտահայտությանը։ Հաղորդման պատրաստման ընթացքում փաստերը ստուգվել էին առանձին կազմակերպությունների հիմնական հարթակներում, մինչդեռ արձագանքը տեղադրված էր կոալիցիայի էջում որպես համատեղ հայտարարություն։
Հաղորդման տեսանյութին կավելացվի համապատասխան ճշգրտում։ Էրիկ Հակոբյանն այս թեմային կանդրադառնա իր հաջորդ հաղորդման ընթացքում։
